Ξένους κληρικούς καί ἀγνώστους, ἐν ἑτέρᾳ πόλει, δίχα συστατικῶν γραμμάτων τοῦ ἰδίου ἐπισκόπου, μηδόλως μηδαμοῦ λειτουργεῖν.
Τοῦτο πρό τῆς συνόδου ταύτης ὥρισαν οἱ θεῖοι Ἀπόστολοι, τόν καταλιπόντα, τήν ἑαυτοῦ παροικίαν, καί εἰς ἑτέραν μετοικήσαντα παρά γνώμην τοῦ ἰδίου ἐπισκόπου, κελεύσαντες μηκέτι λειτουργεῖν, ἐπιμένοντα τῇ ἀταξίᾳ, ὡς δέ λαϊκόν κοινωνεῖν, ὡς ὁ ιε΄ ἀποστολικός περιέχει κανών. Καί ὁ παρών οὖν κανών τά αὐτά διατάττεται, καί τόν δίχα γραμμάτων τοῦ ἐπισκόπου ἀπιόντα ἐν ἑτέρᾳ πόλει, κελεύει μήτε ἐκεῖ, μήτε που ἀλλαχοῦ λειτουργεῖν. Τοῦτο γάρ ἑστι τό, μηδόλως μηδαμοῦ. Ἐπεί δ’ ἐνταῦθα, συστατικῶν ἐμνήσθη ἐπιστολῶν, δείκνυται ἐκ τούτου, ὅτι καί ἐπί τισι κατηγορήθησαν οἱ κληρικοί οἱ ἀναχωρήσαντες τῆς ιδίας παροικίας∙ αἱ γάρ συστατικαί τοῖς κατηγορηθεῖσι δίδονται, ὅταν ἀθῶοι φανῶσιν, ὡς ἤδη δεδήλωται, ἤ ὅτι ἁφωρισμένοι ἦσαν παρά τοῦ ἰδίου ἐπισκόπου. Καί πάλιν οἱ ἅγιοι Πατέρες διορίζονται τούς κληρωθέντας ἔν τινι ἐκκλησίᾳ, ἐν ἑτέρᾳ πόλει μή λειτουργεῖν ἄνευ συστατικῶν γραμμάτων τοῦ ἰδίου ἐπισκόπου. Καί τινες μέν εἶπον, συστατικάς γραφάς ἐνταῦθα, τάς ἀπολυτικάς εἰρῆσθαι∙ ἄλλοι εἶπον περί συστατικῶν γραφῶν λέγειν τόν κανόνα, δεδομένων ἀνθρώποις κατηγορηθεῖσι, καί μετά ἐξέτασιν ἀθωωθεῖσιν. Ἐμοί δέ δοκεῖ τόν κανόνα διορίζεσθαι περί συστατικῶν γραμμάτων, συνιστώντων τήν τοῦ κληρικοῦ χειροτονίαν, καί ἀπολυόντων αὐτόν καί ἀλλαχοῦ ἐνεργεῖν∙ τά γάρ συνιστῶντα τήν ἑκάστου ὑπόληψιν συστατικά, καί λαϊκοῖς δίδοται, περί ὧν οὐδεμία γέγονεν ἐνταῦθα μνεία. Ἀνάγνωθι δέ καί τήν ἑρμηνείαν τοῦ ια΄ κανόνος. Κληρικός, δίχα συστατικῶν, ἀκοινώνητος εἰς πόλιν ἑτέραν. Τοῦτο ἐν πολλοῖς τῶν κανόνων κεῖται, ὡς οἱ ξενοχειροτόνητοι κληρικοί, μή ἐπιφερόμενοι συστατικά τῶν ἐπισκόπων αὐτῶν, εἰς πόλιν ἑτέραν οὐ συγκεχώρηνται λειτουργεῖν. Διορίζει ὁ παρών κανών ὅτι ξένοι Κληρικοί καί Ἀναγνῶσται νά μήν ἰσχύουν νά ἐνεργήσουν τι τοῦ κλήρου αὐτῶν εἰς ἄλλην πόλιν, χωρίς νά ἔχουν γράμματα συστατικά καί τῆς χειροτονίας καί τῆς ὀρθοδοξίας, καί τῆς ἄλλης ζωῆς αὐτῶν. Ὡς λαϊκοί ὅμως ἐκεῖσε νά κοινωνοῦν. Ἀνάγνωθι καί τάς ἑρμηνείας τοῦ ιβ΄ καί ιε΄ Ἀποστολικοῦ μετά τῆς σειρᾶς τῶν παραλλήλων κανόνων. Ἐπειδή ὁ τόπος τοῦ παρόντος κανόνος οὐδέ τόν ἀριθμόν αὐτῶν ἐχώρει.
