Τούς πρεσβυτέρους ἤ διακόνους, κοσμικάς ἀρχάς ἤ φροντίδας ἀναδεχομένους ἤ τάς ἐν τοῖς οἴκοις τῶν ἀρχόντων λεγομένας κουρατωρείας, οἱ θεῖοι καί ἱεροί κανόνες καθαιρέσει καθυποβάλλουσι. Τοῦτο οὖν καί ἡμεῖς ἐπικυροῦντες, καί περί τῶν λοιπῶν τῶν ἐν τῷ κλήρῳ κατειλεγμένων διοριζόμεθα, ὡς, εἴ τις αὐτῶν κοσμικάς ἀρχάς μεταχειρίζοιτο, ἤ τάς ἐν τοῖς τῶν ἀρχόντων οἴκοις ἤ προαστείοις λεγομένας κουρατωρείας ἀναδέχοιτο, τοῦτον τοῦ οἰκείου κλήρου ἐκδιώκεσθαι· οὐδείς γάρ δύναται, κατά τήν τοῦ Χριστοῦ τοῦ ἀληθινοῦ Θεοῦ ἡμῶν αὐτόλεκτον καί ἀψευδεστάτην φωνήν, δυσί κυρίοις δουλεύειν.
Πολλήν ἔθεντο σπουδήν καί οἱ σεπτοί Ἀπόστολοι, καί οἱ τῶν συνόδων Πατέρες, τούς ἱερωμένους κοσμικάς ἀρχάς, ἤ διοικήσεις πραγμάτων μή ἀναδέχεσθαι∙ καί διάφοροι κανόνες περί τούτου ἐξεφωνήθησαν, οὕς οἱ Πατέρες οὗτοι διά τοῦ παρόντος κανόνος, ἐπικρατύνουσι προστιθέντες καί τι πλέον παρά τά ἐκείνοις διωρισμένα. Οἱ μέν γάρ περί ἱερέων καί διακόνων τούς κανόνας ἐξέθεντο, κωλύοντας αὐτούς ἀρχάς καί φροντίδας ἀναδέχεσθαι κοσμικάς∙ οὗτοι δέ καί πάντα κληρικόν διορίζονται μή μεταχειρίζεσθαι κοσμικάς ἀρχάς, ἤ τάς ἐν οἴκοις ἀρχαντικοῖς καί ἀγροῖς καλουμένας κουρατωρείας∙ τούς δε τόν κανόνα παραβαίνοντας, ἐκδιώκεσθαι τοῦ κλήρου κελεύουσι. Οὐδείς γάρ δύναταί, φασι, δυσί κυρίοις δουλεύειν, κατά τήν παρ’ αὐτοῦ λεχθεῖσαν τοῦ Κυρίου φωνήν. Ὁ παρών κανών ἐπικρατύνων τούς προεκφωνηθέντας κανόνας, χάριν τοῦ μή ἐνεργεῖν τούς ἱερωμένους κοσμικάς δουλείας, προστίθησι, μή μόνον τούς ἐντός τοῦ ἁγίου βήματος, ἀλλά καί τούς ἐκτός αὐτοῦ κληρικούς, τοιοῦτόν τι ποιοῦντας, ἐκ τοῦ κλήρου διώκεσθαι. Επεί δέ ἐν τῷ στ΄ ἀποστολικῷ κανόνι, καί ἐν τῷ πα΄ καί ἐν ἑτέροις κανόσιν, ἀλλά μήν καί ἐν τῷ ιγ΄ κεφ., τοῦ η΄ τίτλου τοῦ παρόντος συντάγματος, ἱκανῶς περί τούτου ἐγράψαμεν, ἀνάγνωθι ταῦτα, καί ἀρκέσουσιν εἰς ἑρμηνείαν. Εἴ τις τῶν ἐν κλήρῳ κατειλεγμένων κοσμικάς ἀρχάς μεταχειρίζοιτο, ἤ τάς ἐν τοῖς οἴκοις, ἤ προαστείοις κουρατωρείας, ἐκδιωκέσθω τοῦ κλήρου∙ οὐ γάρ δύναται Θεῷ δουλεύειν καί μαμωνᾷ. Ὁ παρών Κανών ὄχι μόνον τούς ἐντός τοῦ βήματος ἱερωμένους, ὡς οἱ λοιποί κανόνες διορίζουσιν, ἀλλά καί ὅλους τούς ἔξω τοῦ βήματος Κληρικούς ἐμποδίζει ἀπό τό νά λαμβάνουσι κοσμικά ἀξιώματα καί κουρατορείας, ἤτοι ἐπιστασίας καί φροντίδας, τόσον μέσα εἰς τά ὀσπήτια τῶν ἀρχόντων, ὅσον καί εἰς τά τζεφτιλίκια αὐτῶν. Ὅποιος δέ ἐξ αὐτῶν τοῦτο ἤθελε κάμει, νά διώκεται ἀπό τόν Κλῆρον του. Ἐπειδή, κατά τό λόγιον τοῦ Κυρίου∙ οὐδείς δύναται δυσί κυρίοις δουλεύειν. Ὅρα καί τόν στ΄ Ἀποστολ.
