Εἴ τις καθῃρημένῳ κληρικός ὤν κληρικῷ συνεύξηται, καθαιρείσθω καί αὐτός.
Τῶν καθαιρουμένων τινές μέν μόνης ἱερουργίας κωλύονται, οὐ μέν τοι καί κοινωνίας, ἤ τοῦ συνεκκλησιάζειν∙ οἱ δέ σύν τῇ καθαιρέσει, καί ἀκοινώνητοί εἰσί, καί ἀφωρισμένοι. Ἢ γοῦν ὁ κανών οὗτος περί καθαιρεθέντος ἐνταυτῷ καί ἀφορισθέντος νοηθήσεται, καί ὁ συνευξάμενος τούτῳ ὑπό καθαίρεσιν ἔσται, ἤ τό συνεύξασθαι ἀντί τοῦ συνιερουργῆσαι παραληφθήσεται. Κᾂν γάρ μή καί ἀφωρισμένος ἦν ὁ καθαιρεθείς, ὁ συνιερουργήσας αὐτῷ καθαιρεθήσεται. Τινές τό συνεύξασθαι ἐνταῦθα ἀντί τοῦ συνιερουργῆσαι ἐξελάβοντο∙ οὐ δοκεῖ δέ καί ἐμοί∙ περί γάρ παντός κληρικοῦ καθαιρεθέντος ἐξελήφθη ὁ κανών, οὐ μήν περί μόνου ἱερέως. Ἄλλοι δέ εἶπον ἐνταῦθα τόν καθαιρεθέντα ὑποβληθῆναι καί ἀφορισμῷ, καί διά τοῦτο κωλυθῆναι τήν μετ’ αὐτοῦ προσευχήν. Ἐμοί δέ κατανοεῖται, ὅτι σκοπός τῷ κανόνι ἐνταῦθά ἐστι, κολάζεσθαι πάντα κληρικόν συνευξάμενον ὁπωσδήποτε κληρικῷ οἱῳδήτινι καθαιρεθέντι, καί μετά τήν καθαίρεσιν ἐνεργήσαντι ἱερατικόν τι∙ διά γάρ τοῦτο καί ἡ καθαίρεσις αὐτῷ ἐπάγεται∙ ἀπό μέντοι τοῦ συνεύξασθαί τινα ἀφωρισμένω τινί, καθαίρεσις οὐκ ἐπάγεται, ἀλλά ἀφορισμός, ὡς ὁ ι΄ κανών παρακελεύεται. Ὁ συνευχόμενος καθῃρημένῳ, ταὐτοκατάκριτος. Ὁ συνευχόμενος, ἤτοι συλλειτουργῶν, καθῃρημένῳ, καθῃρημένος ἔστω καί αὐτός. Κατά δύω τρόπους δύναται νά ἐξηγηθῇ ὁ παρών Κανών. Εἰ μέν γάρ τό, συνεύξηται λαμβάνεται ἀντί τοῦ συλλειτουργήσῃ, τό νόημα ὅλον τοῦ κανόνος εἶναι τοῦτο. Ὅποιος κληρικός συλλειτουργήσῃ ἐν γνώσει μέ καθῃρημένον κληρικόν, ἂς καθῄρεται καί αὐτός ὁμοίως μέ ἐκεῖνον (ὃ καί μᾶλλον ὀρθότερον) ∙ Εἰ δέ τό, συνεύξηται δηλοῖ κατά τήν κυριολεξίαν του, τό νά συμπροσευχηθῇ: ἡ ἔννοια τοῦ κανόνος εἶναι αὕτη. Ὅποιος κληρικός συμπροσευχηθῇ ἐν γνώσει μέ τόν κληρικόν ἐκεῖνον ὁποῦ ὄχι μόνον ἐκαθῃρέθη, ἀλλά καί ἀπετόλμησεν ὕστερα ἀπό τήν καθαίρεσιν νά ἐνεργήσῃ τι τῶν τοῦ κλήρου, ἤ καί ἐκαθῃρέθη μέν, διά ἁμαρτήματα ἀπό τό κληρικάτον του, μετά δέ τήν καθαίρεσιν, πάλιν πεσὼν εἰς τά αὐτά ἁμαρτήματα, ἀφωρίσθη καί ἀπό τήν ὁμήγυριν ἀκόμη, καί προσευχήν τῶν πιστῶν, ὁ τοιοῦτος λέγω, ἂς καθῄρεται ὁμοίως μέ ἐκεῖνον.
