Ἐπίσκοπος, ἤ πρεσβύτερος, ἤ διάκονος τόκους, ἤ τάς λεγομένας ἑκατοστάς λαμβάνων, ἤ παυσάσθω, ἤ καθαιρείσθω.
Ὁ δέ τῆς α΄ συνόδου ἑπτακαιδέκατος κανών, οὐ τούς ἐπισκόπους καί πρεσβυτέρους καί διακόνους μόνον κωλύει λαμβάνειν τόκους, ἀλλά καί τούς ἐν τῷ κανόνι ἐξεταζομένους· ἔνθα καί τί ἐστιν ἑκατοστή ἡρμήνευται, καί πλατύτερον τά περί τοῦ κανόνος ἐξήγηται· καί ζητητέον ἐκεῖνα· τά αὐτά δέ καί ὁ τέταρτος κανών τῆς ἐν Λαοδικείᾳ συνόδου κελεύει. Ἐν τῷ ιζ΄ κανόνι τῆς α΄ συνόδου, ἱκανῶς ἐγράψαμεν περί πάντων τῶν ἱερωμένων, τῶν λαμβανόντων τόκους, ἤ καί ἕτερόν τι αἰσχρόν κέρδος ἑαυτοῖς ἐπινοουμένων· καί ἀνάγνωθι τά ἐν ἐκείνῳ γραφέντα, καί εὑρήσεις τήν λύσιν τῆς δοκούσης ἐναντιοφανείας ἐκείνου τε τοῦ κανόνος, καί τοῦ παρόντος. Ὁ μέν γάρ παρών κανών, καί ὁ ἀποστολικός μδ΄ ἤ παύσασθαι, ἤ καθαιρεῖσθαι φασι τόν τοιοῦτόν τι ποιοῦντα· ὁ δέ ιζ΄ κανών τῆς α΄ συνόδου καθαιρεῖσθαι τοῦτόν φησιν· ἀνάγνωθι καί τό κζ΄ κεφάλαιον, τοῦ θ΄ τίτλου τοῦ παρόντος συντάγματος. Ἐπίσκοπος, πρεσβύτερος, καί διάκονος τόκους λαμβάνων, εἰ μή παύοιτο, καθαιρείσθω. Σαφής. Ὅποιος (λέγει ὁ παρών Κανών) Ἐπίσκοπος, ἤ Πρεσβύτερος, ἤ Διάκονος παίρνει διάφορα εἰς τά ἄσπρα ὁποῦ δανείσῃ ἤ δώδεκα, ἤ ἕξ, εἰς τά ἑκατόν γρόσια, θετέον. Οὗτος, ἤ ἂς παύσῃ ἀπό αὐτά, ἤ ἂν δέν παύῃ, ἂς καθῄρεται. Ἀνάγνωθι καί τόν μδ΄ Ἀποστολικόν.
