Διάκονοι, ὅσοι καθίστανται, παρ᾽ αὐτήν τήν κατάστασιν εἰ ἐμαρτύραντο καί ἔφασαν χρῆναι γαμῆσαι, μή δυνάμενοι οὕτω μένειν, οὗτοι μετά ταῦτα γαμήσαντες, ἔστωσαν ἐν τῇ ὑπηρεσίᾳ, διά τό ἐπιτραπῆναι αὐτοῖς ὑπό τοῦ ἐπισκόπου. Τοῦτο δέ, εἴ τινες σιωπήσαντες, καί καταδεξάμενοι ἐν τῇ χειροτονίᾳ μένειν οὕτω, μετά ταῦτα ἦλθον ἐπί γάμον, πεπαῦσθαι αὐτούς τῆς διακονίας.
Φησίν ὁ κανὼν οὗτος, ὅτι ὅσοι ἐν τῷ καθίστασθαι εἰς διακονίαν, ἤγουν ἐν τῷ μέλλειν χειροτονεῖσθαι διεμαρτύραντο, ἀντί τοῦ, φανερῶς εἶπον ὡς ἐπί μάρτυσιν, ὡς ἀναγκαῖόν ἐστιν αὐτοῖς εἰς γάμον ἐλθεῖν, μή δυναμένοις παρθενεύειν, οὗτοι μετά τήν χειροτονίαν εἰς γάμον ἐλθόντες μενέτωσαν ἐν τῇ ὑπηρεσίᾳ, ἤτοι τῇ διακονίᾳ∙ δοκοῦσι γάρ ἐπιτραπῆναι τό μετά τήν χειροτονίαν ἐλθεῖν εἰς γάμον ὑπό τοῦ ἐπισκόπου. Εἰ δέ τινες σιωπήσαντες ἐν τῷ μέλλειν χειροτονεῖσθαι, καί καταδεξάμενοι διά τῆς σιωπῆς ἄγαμοι μένειν, (κἀνταῦθα γάρ ἡ σιωπή συγκατάθεσιν δηλοῖ), μετά τήν χειροτονίαν ἔγημαν, τούς τοιούτους πεπαῦσθαι τῆς διακονίας, ὁρίζει. Ταῦτα μέν τά τοῦ παρόντος κανόνος. Ὁ δέ εἰκοστός ἕκτος τῶν ἁγίων Ἀποστόλων κανών, μόνοις ἀναγνώσταις, καί ψάλταις ἐνδίδωσι, μετά τό εἰς κλῆρον καταταγῆναι, γαμεῖν. Καί ὁ ἕκτος τῆς ἕκτης συνόδου κανὼν τῷ ἀποστολικῷ κανόνι ἑπόμενος, ἀπαγορεύει παντί πρεσβυτέρῳ καί διακόνῳ καί ὑποδιακόνῳ μετά τήν χειροτονίαν εἰς γάμον ἔρχεσθαι, καί τούς μή τόν κανόνα φυλάττοντας, καθαιρεῖσθαι κελεύει∙ πρό δέ τῆς χειροτονίας τούς εἰρημένους θεσπίζει συναλλάττειν γάμον, εἰ βούλοιντο. Ἐναντίων οὖν προδήλως τῶν κανόνων τούτων ὄντων, ὁ τῆς ἕκτης συνόδου κρατεῖν ὀφείλει, ὡς μεταγενέστερος, καί τῷ ἀποστολικῷ συμφωνῶν κανόνι∙ οὐ γάρ πότε πρεσβύτερος ἤ διάκονος, μετά τήν χειροτονίαν γυναῖκα λαβών, ἐν τῇ οἰκείᾳ ἔσται ἐπιτιμίᾳ, ἤ ἱερουργεῖν παραχωρηθήσεται. Τῷ κανόνι τούτῳ μή προσχῇς, διοριζομένῳ τούς διακόνους μετά τό χειροτονηθῆναι συνάπτεσθαι γυναιξίν, ὅτι ἐν τῷ χειροτονεῖσθαι διεμαρτύραντο, Τοὐτέστιν εἶπον πρός τούς ἐπισκόπους αὐτῶν ἀναγκαῖον εἶναι αὐτοῖς εἰς γάμον ἐλθεῖν, καί οἱονεί ἔλαβον τό ἐνδόσιμον. Εἴτε γάρ προανεφώνησαν τά περί τούτου, εἴτε ἐσιώπησαν χειροτονούμενοι, οὐ παραχωρηθήσονται μετά τήν χειροτονίαν γυναικί συζευχθῆναι∙ ὅτι ὁ στ΄ κανὼν τῆς ἐν τῷ Τρούλλῳ συνόδου διορίζεται καθαιρεῖσθαι τούς μετά τήν χειροτονίαν γάμους συναλλάττοντας πρεσβυτέρους, διακόνους, καί ὑποδιακόνους∙ τό δέ ἀκανόνιστον, οὔτε ἀπό ἐπιτροπῆς ἐπισκοπικῆς, οὔτε ἀπό μόνου τοῦ σιωπῆσαι ἐκχωρηθήσεται, ὡς ἀνυπόστατον. Ἀνάγνωθι καί τήν γ΄ νεαράν τοῦ βασιλέως κυροῦ Λέοντος τοῦ Σοφοῦ, λέγουσαν, ὡς εἰ καί ἀπό συνηθείας ἀγράφου εἶχον ἄδειαν οἱ ἱερωμένοι ἐντός διετίας ψηφιζομένης μετά τήν χειροτονίαν λαμβάνειν νομίμους γυναῖκας, ἀλλά καί τοῦτο, ὡς ὑπό τῶν κανόνων κεκωλυμένων, οὐκ ὀφείλει κρατεῖν. Ὁ μέλλων διάκονος χειροτονεῖσθαι, εἰ προεμαρτύρατο τῷ ἐπισκόπῳ μή δύνασθαι καρτερεῖν ἄγαμον, γαμήσας ἔστω διάκονος∙ εἰ δέ σιωπήσας ἔγημεν ὕστερον, ἀποβαλλέσθω. Οὗτος ὁ κανὼν διαγορεύει τόν πρό τῆς χειροτονίας προμαρτυράμενον τῷ ἐπισκόπῳ, μή δύνασθαι παρθενεύειν, ἀλλ’ εἰς γάμου βούλεσθαι κοινωνίαν ἐλθεῖν, μή κωλύεσθαι καί μετά τήν χειροτονίαν εἰς γάμον ἔρχεσθαι, καί μένειν ἐπί τῆς αὐτῆς αὖθις ὑπηρεσίας τε καί τιμῆς. Τόν δέ σιωπήσαντα καί καταδεξάμενον ἐν τῇ χειροτονίᾳ ἄγαμον μένειν, τῆς διακονίας πεπαῦσθαι, εἴπερ μετά τοῦτο γάμου νόμῳ γυναικί συναφθῇ. Πλήν τῷ παρόντι κανόνι ἀντίκειται ὁ ἕκτος κανὼν τῆς ἕκτης συνόδου, μή παραχωρῶν ὅλως τῷ προελθόντι ἀγάμῳ εἰς ὑποδιακόνου, ἤ διακόνου, ἤ πρεσβυτέρου βαθμόν, μετά τήν χειροτονίαν γαμικόν ἑαυτῷ συνιστᾷν συνοικέσιον∙ ἀλλά τόν τοῦτο τολμήσαντα ποιῆσαι, διαταττόμενος καθαιρεῖσθαι∙ καί κρατεῖ ὁ κανὼν ἐκεῖνος, καί οὗτος ἤργησεν. Ὁ παρών Κανών διορίζει ὅτι, ὅσοι μέν Διάκονοι μέλλοντες νά χειροτονηθοῦν, φανερῶς ὡμολόγησαν ὡς ἐπί μαρτύρων, ὅτι ἔχουν νά ὑπανδρευθοῦν μετά τήν χειροτονίαν, μέ τό νά μήν δύνανται νά παρθενεύουν. Οὗτοι, ἐάν μετά ταῦτα λάβωσι γυναῖκα, δέν καθῄρονται, ἀλλά ἔχουσι πάλιν τήν Διακονίαν. Ἐπειδή καί φαίνονται, ὅτι ἐσυγχωρήθησαν ἀπό τόν χειροτονήσαντα αὐτούς Ἀρχιερέα, νά κάμνουν τοῦτο, ἀκούσας γάρ αὐτῶν πρότερον τήν διαμαρτυρίαν ὁ Ἀρχιερεύς, δέν ἀπέβαλεν, ἀλλ’ ἐχειροτόνησεν αὐτούς. Ὅσοι δέ πάλιν Διάκονοι, ὅταν μέλλωσι νά χειροτονηθοῦν, σιωπήσουν καί δέν εἰποῦν παρόμοιον λόγον, οὗτοι ἐάν μετά τήν χειροτονίαν ὑπανδρευθοῦν, νά παύουσιν ἀπό τήν διακονίαν. Διότι ἡ σιωπή ὁποῦ ἔκαμαν, φανερόνει ὅτι συγκατέθεντο καί κατεδέχθηκαν νά διαμένουν παρθενεύοντες ἐν τῇ διακονίᾳ. Ὅρα καί τόν στ΄ τῆς στ΄ καί τήν εἰς ἐκεῖνον ὑποσημείωσιν.
