Ἐρώτησις. Ἐάν παιδίον κατηχούμενον, ὡς ἐτῶν ἑπτά, ἤ ἄνθρωπος τέλειος, εὐκαιρήσῃ που προσφορᾶς γινομένης καί ἀγνοῶν μεταλάβῃ, τί ὀφείλει γίγνεσθαι περί αὐτοῦ;
Ἀπόκρισις. Φωτισθῆναι ὀφείλει, παρά Θεοῦ γάρ κέκληται.
Ἠρωτήθη ὁ Πατήρ οὗτος, ὅτι ἐάν παιδίον, ἤ καί ἀνήρ τέλειος, ἐν κατηχουμένοις τεταγμένος, καί μήπω τοῦ ἁγίου τυχὼν βαπτίσματος, προσφορᾶς γινομένης, ἤτοι θυσίας μυστικῆς προσαγομένης, εὐκαιρήσῃ, ἀντί τοῦ, καιροῦ τύχῃ ἐπιτηδείου, καί μεταλάβῃ τῶν ἁγιασμάτων, ἀγνοῶν ὅτι οὐ δεῖ αὐτόν μεταλαβεῖν πρό τοῦ βαπτίσματος, ἀλλ᾿ οὐχί καταφρονητικῶς διατιθέμενος, τί οφείλει γενέσθαι, καί ἀπεκρίθη, ὅτι βαπτισθῆναι ὀφείλει. Ἐπεί γάρ ἀπονήρως προσῆλθε τῇ κοινωνίᾳ τῶν ἁγίων δώρων, καί εὐκαιρίας ἔτυχε μή κωλυθείς ὑπό τινος, ἀγνοησάντων ἴσως τῶν παρόντων πιστῶν, καί αὐτοῦ τοῦ μεταδιδόντος, ὅτι κατηχούμενός ἐστι, δοκεῖ παρά τοῦ Θεοῦ προσκληθῆναι∙ καί ὅπερ ὁ ἅγιος Ἀπόστολος Πέτρος ἔφη περί τοῦ Κορνηλίου καί τῶν περί αὐτόν, ὅτε κατηχουμένων ἐκείνων ἐπέπεσεν αὐτοῖς τό Πνεῦμα τό ἅγιον, καί ἐλάλουν γλώσσαις, καί ἐμεγάλυνον τόν Θεόν, ὡς ἐν τῇ βίβλῳ τῶν Πράξεων γέγραπται∙ Μή τι τό ὕδωρ κωλύσαι δύναταί τις τοῦ μή βαπτισθῆναι τούτους, οἵ τό Πνεῦμα τό ἅγιον ἔλαβον ὡς καί ἡμεῖς, τοῦτο μονονουχί καί ὁ Τιμόθεος εἶπεν, ὅτι παρά Θεοῦ κληθείς, καί ἄξιος νομισθείς τῶν ἁγιασμάτων, φωτισθῆναι ὀφείλει. Παῖς ἤ ἀνήρ κατηχούμενος, εἰ μεταλάβοι ἀγνοῶν, φωτιζέσθω∙ παρά Θεοῦ γάρ κέκληται. Ἐρωτηθείς ὁ Θεῖος Πατήρ οὗτος, ἐάν παιδίον, ἤ καί ἄνδρας τέλειος, ἔτι κατηχούμενος ὤν, τύχῃ ἐπιτήδειον καιρόν, ὅταν εἰς κᾀμμίαν ἐκκλησίαν γίνεται λειτουργία, καί μεταλάβῃ, ὄχι καταφρονῶν, ἀλλά μή ἠξεύρωντας, ὅτι οἱ κατηχούμενοι δέν πρέπει νά μεταλαμβάνουν πρό τοῦ Βαπτίσματος. Περί τούτου, λέγω, ἐρωτηθείς, ἀποκρίνεται, ὅτι πρέπει νά βαπτισθῇ ὁ τοιοῦτος. Ἐπειδή καί ἐκαλέσθη εἰς τοῦτο ἀπό τόν Θεόν. Κάλεσμα γάρ θεϊκόν φαίνεται νά ᾖναι, τό νά μήν ἐμποδίσουν ἀπό τήν κοινωνίαν τόν τοιοῦτον, οὔτε οἱ παρόντες ἐκεῖσε Χριστιανοί, οὐτε αὐτός ὁ κοινωνήσας τοῦτον Ἱερεύς, ἴσως δέ καί τό νά μήν τόν καταλάβουν, τότε, ὅτι ἦτον κατηχούμενος, καίτοι πρό τοῦ γινώσκοντες αὐτόν∙ ὅρα καί τήν πρώτην ὑποσημείωσιν τοῦ β΄ τῆς α΄.
