Ὅτι οὐ δεῖ ἐν τῇ Τεσσαρακοστῇ μαρτύρων γενέθλια ἐπιτελεῖν, ἀλλά τῶν ἁγίων μαρτύρων μνήμας ποιεῖν ἐν τοῖς σαββάτοις καί ταῖς Κυριακαῖς.

Ὅτι οὐ δεῖ ἐν τῇ Τεσσαρακοστῇ γάμους ἤ γενέθλια ἐπιτελεῖν.

Ὅτι οὐ δεῖ Χριστιανούς εἰς γάμους ἀπερχόμενους, βαλλίζειν, ἤ ὀρχεῖσθαι, ἀλλά σεμνῶς δειπνεῖν ἤ ἀριστᾷν, ὡς πρέπει Χριστιανοῖς.

Ὅτι οὐ δεῖ ἱερατικούς ἤ κληρικούς τινας θεωρίας θεωρεῖν ἐν γάμοις, ἤ δείπνοις, ἀλλά, πρό τοῦ εἰσέρχεσθαι τούς θυμελικούς, ἐγείρεσθαι αὐτούς καί ἀναχωρεῖν.

Ὅτι οὐ δεῖ ἱερατικούς ἤ κληρικούς ἐκ συμβολῆς συμπόσια ἐπιτελεῖν, ἀλλ᾽ οὐδέ λαϊκούς.

Ὅτι οὐ δεῖ πρεσβυτέρους πρό τῆς εἰσόδου τοῦ ἐπισκόπου εἰσιέναι καί καθέζεσθαι ἐν τῷ βήματι, ἀλλά μετά τοῦ ἐπισκόπου εἰσιέναι· πλήν εἰ μή ἀνωμαλοίη ἤ ἀποδημοῖ ὁ ἐπίσκοπος.

Ὅτι οὐ δεῖ ἐν ταῖς κώμαις καί ἐν ταῖς χώραις καθίστασθαι ἐπισκόπους, ἀλλά περιοδευτάς· τούς μέν τοι ἤδη προκατασταθέντας, μηδέν πράττειν ἄνευ γνώμης τοῦ ἐπισκόπου τοῦ ἐν τῇ πόλει· ὡσαύτως δέ καί τούς πρεσβυτέρους μηδέν πράττειν ἄνευ τῆς γνώμης τοῦ ἐπισκόπου.

Ὅτι οὐ δεῖ ἐν τοῖς οἴκοις προσφοράν γίνεσθαι παρά ἐπισκόπων ἤ πρεσβυτέρων.

Ὅτι οὐ δεῖ ἰδιωτικούς ψαλμούς λέγεσθαι ἐν τῇ ἐκκλησίᾳ, οὐδέ ἀκανόνιστα βιβλία, ἀλλά μόνα τά κανονικά τῆς Παλαιᾶς καί Καινῆς Διαθήκης.

Ὅσα δεῖ βιβλία ἀναγινώσκεσθαι τῆς Παλαιᾶς Διαθήκης· α´ Γένεσις κόσμου· β´ Ἔξοδος ἐξ Αἰγύπτου· γ´ Λευϊτικόν· δ´ Ἀριθμοί· ε´ Δευτερονόμιον· ς´ Ἰησοῦς τοῦ Ναυῆ· ζ´ Κριταί, Ῥούθ· η´ Ἐσθήρ· θ´ Βασιλειῶν πρώτη καί δευτέρα· ι´ Βασιλειῶν τρίτη καί τετάρτη· ια´ Παραλειπομένων πρῶτον καί δεύτερον· ιβ´ Ἔσδρας πρῶτον καί δεύτερον· ιγ´…