Ἐπειδή ἐχρῆν καί τούς ἀπολειφθέντας τῆς ἁγίας συνόδου, καί μείναντας κατά χώραν, ἤ πόλιν, διά τινα αἰτίαν, ἤ ἐκκλησιαστικήν, ἤ σωματικήν, μή ἀγνοῆσαι τά ἐν αὐτῇ τετυπωμένα, γνωρίζομεν τῇ ὑμετέρᾳ ἁγιότητι καί ἀγάπη, ὅτιπερ, εἴ τις μητροπολίτης τῆς ἐπαρχίας, ἀποστατήσας τῆς ἁγίας καί οἰκουμενικῆς συνόδου, προσέθετο τῷ τῆς ἀποστασίας συνεδρίῳ,…
Εἰ δέ τινες ἐπαρχιῶται ἐπίσκοποι ἀπελείφθησαν τῆς ἁγίας συνόδου, καί τῇ ἀποστασίᾳ προσετέθησαν, ἤ προστεθῆναι πειραθεῖεν, ἤ καί ὑπογράψαντες τῇ Νεστορίου καθαιρέσει, ἐπαλινδρόμησαν πρός τό τῆς ἀποστασίας συνέδριον· τούτους πάντῃ κατά τό δόξαν τῇ ἁγίᾳ συνόδῳ ἀλλοτρίους εἶναι τῆς ἱερωσύνης, καί τοῦ βαθμοῦ ἐκπίπτειν.
Εἰ δέ τινες τῶν ἐν ἑκάστῃ πόλει, ἤ χώρᾳ κληρικῶν, ὑπό τοῦ Νεστορίου, καί τῶν σύν αὐτῷ ὄντων, τῆς ἱερωσύνης ἐκωλύθησαν διά τό ὀρθῶς φρονεῖν, ἐδικαιώσαμεν καί τούτους τόν ἴδιον ἀπολαβεῖν βαθμόν. Κοινῶς δέ τούς τῇ ὀρθοδόξῳ καί οἰκουμενικῇ συνόδῳ συμφρονοῦντας κληρικούς, κελεύομεν τοῖς ἀποστατήσασιν, ἤ ἀφισταμένοις ἐπισκόποις, μηδόλως ὑποκεῖσθαι…
Εἰ δέ τινες ἀποστατήσαιεν τῶν κληρικῶν, καί τολμήσαιεν ἤ κατ᾿ ἰδίαν, ἤ δημοσίᾳ, τά Νεστορίου, ἤ τά Κελεστίου φρονῆσαι, καί τούτους εἶναι καθῃρημένους ὑπό τῆς ἁγίας συνόδου δεδικαίωται.
Ὅσοι δέ ἐπί ἀτόποις πράξεσι κατεκρίθησαν ὑπό τῆς ἁγίας συνόδου, ἤ ὑπό τῶν οἰκείων ἐπισκόπων, καί τούτοις ἀκανονίστως, κατά τήν ἐν ἅπασιν ἀδιαφορίαν αὐτοῦ, ὁ Νεστόριος, καί οἱ τά αὐτοῦ φρονοῦντες, ἀποδοῦναι ἐπειράθησαν, ἤ πειραθεῖεν, κοινωνίαν, ἤ βαθμόν, ἀνωφελήτους εἶναι, καί μένειν οὐδέν ἧττον καθῃρημένους ἐδικαιώσαμεν.
Ὁμοίως δέ καί εἴ τινες βουληθεῖεν, τά περί ἑκάστου πεπραγμένα ἐν τῇ ἁγίᾳ συνόδῳ, τῇ ἐν Ἐφέσῳ, οἱῳδήποτε τρόπῳ παρασαλεύειν, ἡ ἁγία σύνοδος ὥρισεν, εἰ μέν ἐπίσκοποι εἶεν, ἤ κληρικοί, τοῦ οἰκείου παντελῶς ἀποπίπτειν βαθμοῦ· εἰ δέ λαϊκοί, ἀκοινωνήτους ὑπάρχειν.
Τούτων ἀναγνωσθέντων, ὥρισεν ἡ ἁγία σύνοδος, ἑτέραν πίστιν μηδενί ἐξεῖναι προφέρειν, ἤγουν συγγράφειν, ἤ συντιθέναι, παρά τήν ὁρισθεῖσαν παρά τῶν ἁγίων Πατέρων, τῶν ἐν τῇ Νικαέων συναχθέντων πόλει, σύν ἁγίῳ Πνεύματι. Τούς δέ τολμῶντας ἤ συντιθέναι πίστιν ἑτέραν, ἤ γοῦν προσκομίζειν, ἤ προφέρειν τοῖς θέλουσιν ἐπιστρέφειν εἰς ἐπίγνωσιν τῆς ἀληθείας,…
Πρᾶγμα παρά τούς ἐκκλησιαστικούς θεσμούς καί τούς κανόνας τῶν ἁγίων Ἀποστόλων καινοτομούμενον, καί τῆς πάντων ἐλευθερίας ἁπτόμενον, προσήγγειλεν ὁ θεοφιλέστατος συνεπίσκοπος Ῥηγῖνος, καί οἱ σῦν αὐτῷ θεοφιλέστατοι ἐπίσκοποι τῆς Κυπρίων ἐπαρχίας, Ζήνων καί Εὐάγριος. Ὅθεν, ἐπειδή τά κοινά πάθη μείζονος δεῖται τῆς θεραπείας, ὡς καί μείζονα τήν βλάβην φέροντα, καί…
