Τῆς ἁγίας καί οἰκουμενικῆς ἕκτης συνόδου, τούς ἐν τοῖς εὐκτηρίοις οἴκοις, ἔνδον οἰκίας οὖσι, λειτουργοῦντας ἤ βαπτίζοντας κληρικούς, παρά γνώμην τοῦ ἐπισκόπου, καθαιρέσει καθυποβαλλούσης, καί ἡμεῖς τούτῳ συμψηφιζόμεθα. Τῆς γάρ ἁγίας Ἐκκλησίας ὀρθοτομούσης καί τόν ἀληθῆ πρεσβευούσης λόγον καί τό σεμνόν τῆς πολιτείας συντηρούσης τε καί ἐκδιδασκούσης,1(ΠΗΔΑΛΙΟΝ) ἀπηχές καί ἀνόσιον παραχωρεῖν τούς ἀπαιδευσίᾳ καί ἀναρχίᾳ συζῶντας, εἰς τάς οἰκίας ὑποδυομένους, τήν ταύτης εὐταξίαν διασπᾶν καί πολλῆς ταραχῆς καί σκανδάλων ἀποπληροῦν. Διόπερ, ἡ νῦν ἱερά καί θεοσυνέργητος σύνοδος, τῇ οἰκουμενικῇ καί ἁγίᾳ ἕκτῃ συνόδῳ συμφωνοῦσα, αποκεκληρωμένους εἶναι τούς ἐν τοῖς εὐκτηρίοις οἴκοις, ἔνδον οἰκίας οὖσι, λειτουργοῦντας διωρίσατο, τῆς ἀποκληρώσεως δηλονότι παρά τοῦ κατά τόν τόπον ἐπισκόπου αὐτοῖς ἀπονεμηθείσης. Εἰ δέ τινες παρά τούτους, τοῦ ἐπισκόπου μή εὐδοκοῦντος, εἰς τάς οἰκίας εἰσπίπτοντες ἅπτεσθαι τῆς λειτουργίας ἀποτολμῶσι, τούτους μέν καθαιρεῖσθαι, τούς δέ τῆς αὐτῶν κοινωνίας μετασχόντας τῷ ἀφορισμῶ καθυποβάλλεσθαι.
Ὁ τῆς ἕκτης συνόδου τριακοστός πρῶτος κανών, οὗ μέμνηται ὁ κανών οὗτος, ἡρμήνευται ἐκεῖ, ᾧ σύμψηφοι γεγόνασι καί οἱ τοῦτον ἐκθέμενοι τόν κανόνα, ὁρίσαντες ἀποκεκληρωμένους εἶναι, ἤγουν ὡρισμένους καί ἐπιτετραμμένους, ἐκκεχωρημένους, τούς ἐν εὐκτηρίοις ἐντός οἴκων οὖσι λειτουργεῖν μέλλοντας, τῆς ἀποκληρώσεως, τουτέστι τῆς ἐκχωρήσεως, παρά τοῦ κατά χώραν ἐπισκόπου γινομένης. Εἰ δ’ ἕτεροί τινες παρά τούς ἐκχωρηθέντας τολμήσουσι λειτουργῆσαι ἐν εὐκτηρίοις οὖσιν ἐντός οἰκιῶν, ἄνευ γνώμης τοῦ ἐπισκόπου, ἐκείνους μέν καθαιρεῖσθαι, τούς δέ συγκοινωνήσαντας αὐτοῖς ἀφορίζεσθαι. Καί ὁ παρών κανών, παρακελευόμενος καθαιρεῖσθαι τούς λειτουργοῦντας ἤ βαπτίζοντας εἰς εὐκτήρια παρά γνώμην τοῦ ἐπισκόπου, ἡρμηνεύθη ἐν τῷ λα΄ κανόνι τῆς ἐν τῷ Τρούλλῳ συνόδου, καί ἐν τῷ ἀποστολικῷ λα΄ κανόνι∙ καί ἀνάγνωθι τά ἐν ἐκείνοις γραφέντα. Μηδείς ἐν ναῷ, ἔνδον οἰκίας τυγχάνοντι, λειτουργείτω, ἤ βαπτιζέτω κληρικός, παρά γνώμην τοῦ ἐπισκόπου∙ καθαιρεῖται γάρ. Ἀποκεκληρωμένοι οὖν παρά τοῦ ἐπισκόπου ἔστωσαν οἱ ἐν εὐκτηρίοις ἔνδον οἴκων οὖσι λειτουργοῦντες. Οἱ δέ παρά τοῦτο τολμῶντες, καθαιρείσθωσαν∙ καί οἱ κοινωνοῦντες, ἀφοριζέσθωσαν. Σύμφωνος εἶναι ὁ παρών Κανών με τόν λα΄ τῆς στ΄ συνόδου, τόν ὁποῖον ἐξηγήσαμεν, καί ὅρα τήν ἑρμηνείαν ἐκεῖ. Τοῦτο δέ μόνον προστιθέασιν οἱ πατέρες τῆς παρούσης συνόδου, ὅτι ἐκεῖνοι ὁποῦ μέλλουν νά λειτουργοῦν εἰς τούς εὐκτηρίους οἴκους ἀνεγκαινιάστους, τούς ὄντας μέσα στην ὀσπήτια, πρέπει νά ᾖναι διωρισμένοι, καί ξεχωρισμένοι εἰς τοῦτο ἀπό τόν κατά τόπον Ἀρχιερέα. Εἰ δέ καί ἤθελαν τολμήσει νά λειτουργήσουν εἰς τούς εὐκτηρίους αὐτούς ἄλλοι τινές Ἱερωμένοι, μή ὄντες διωρισμένοι εἰς τοῦτο ἀπό τόν Ἀρχιερέα, αὐτοί μέν τά καθῄρωνται, οἱ δέ συγκοινωνήσαντες εἰς τοῦτο μέ αὐτούς λαϊκοί, νά ἀφορίζωνται. Ὅρα καί τόν λα΄ Ἀποστολικόν. 1Σημείωσαι ὅτι ἐν ἄλλοις Κώδηξιν, οὐχ εὑρίσκεται ἡ περίοδος αὕτη, ἤτοι, τό σεμνόν τῆς πολιτείας συντηρούσης τε, καί ἐκδιδασκούσης.
