Ὑποδιάκονος μή ἧττον τῶν εἴκοσι ἐτῶν χειροτονείσθω· εἰ δέ τις τῶν ἐν οἱᾳοῦν ἱερατικῇ καταστάσει παρά τούς ὁρισθέντας χειροτονηθείῃ χρόνους, καθαιρείσθω.
Οἱ κανόνες οὗτοι τούς χρόνους τάσσουσι τῶν χειροτονουμένων· καί τόν μέν πρεσβύτερον, τριακονταετῆ χειροτονεῖσθαι ὁρίζουσι, τόν δέ διάκονον, κε΄ γεγονότα ἐτῶν, τήν δέ διακόνισσαν, τεσσαρακοστόν ἀνύσασαν ἐνιαυτόν· πρό δέ τῶν χρόνων τούτων μή χειροτονεῖσθαι αὐτούς, κᾂν πάνυ δόξωσιν ἄξιοι τῆς χειροτονίας, ἀλλ’ ἀποτηρεῖσθαι, φυλάττεσθαι δηλαδή, ἀναμένοντας καί τήν ἀπό τοῦ χρόνου τελείωσιν· ὑποδιάκονον δέ, εἰκοσαετῆ χειροτονεῖσθαι. Εἰ δέ τις πρό τῶν ὁρισθέντων χρόνων χειροτονηθείη, τῆς τῶν κανόνων παραβάσεως ἐπιτίμιον ὑφέξει τήν καθαίρεσιν. Καί ὁ ιε΄ δέ τῆς τετάρτης συνόδου κανών ὁμοίως περί τοῦ χρόνου τῶν διακονισσῶν διατάττεται. Σημείωσαι, ὅτι ἀπό τῶν παρόντων δύο κανόνων καθαιρέσει καθυποβάλλονται οἱ παρά τούς ὁρισθέντας τοῖς κανόσι χρόνους χειροτονούμενοι. Οἱ παρόντες δύο κανόνες ὁ ιδ΄ καί ιε΄ τούς χρόνους ὑποτυποῦσι τῶν ἐν τῷ βήματι ἐξυπηρετούντων, ἤγουν ἱερέων, διακόνων, ὑποδιακόνων, καί διακονισσῶν· καί διορίζονται, τόν πρεσβύτερον, τριακονταετῆ γεγονότα, χειροτονεῖσθαι· τόν διάκονον, κε΄ χρόνων· τόν ὑποδιάκονον, εἰκοσαετῆ, καί τήν διακόνισσαν, τεσσαρακονταετῆ· τούς δέ μή ὑπερβάντας τούς τοσούτους χρόνους, καί χειροτονουμένους, καθαιρεῖσθαι· καί ταῦτα μέν περί τῆς τῶν τεσσάρων τούτων βαθμῶν χειροτονίας. Τό δέ κη΄ κεφ., τοῦ α΄ τίτ,. τοῦ γ΄ βιβλίου τῶν βασιλικῶν, περί κληρώσεως ἀναγνώστου διδάσκον, διορίζεται, μή εἶναι τοῦτον ἥττονα τῶν δεκαοκτώ ἐνιαυτῶν· καί ἀνάγνωθι τό κ΄ κεφ., τοῦ α΄ τίτλου τοῦ παρόντος συντάγματος, καί τά ἐν αὐτῷ· ἀνάγνωθι καί τήν ιστ΄ νεαράν τοῦ βασιλέως κυροῦ Λέοντος τοῦ φιλοσόφου, διοριζομένην, ἀκολούθως τῷ παρόντι κανόνι, γίνεσθαι ὑποδιάκονον τόν πληρώσαντα τά εἴκοσιν ἔτη. Κανών ιδ΄. Πρεσβύτερος, τριακονταετίας ἐνδέων, καί διάκονος, εἰκοσιπενταετίας, διακόνισσα, τεσσαρακονταετίας. Καί εἰκοσαετίας, ὑποδιάκονοι, εὐκαθαίρετοι. Κᾂν ἄγαν τινές εὑρίσκωνται ἄξιοι, ἀλλ’ οὐδείς ἐντός τῶν ὁρισθέντων ἐφ’ ἑκάστῳ τάγματι χρόνων τοῦ βαθμοῦ τύχῃ· ἀλλ’ ὅστις ἤ πρεσβύτερος πρό τριάκοντα ἐτῶν, ἤ διάκονος πρό εἰκοσιπέντε, ἤ ὑποδιάκονος πρό τῶν εἴκοσι, καθαιρεθήσεται· ὥσπερ καί διακόνισσα, εἰ πρό τεσσαράκοντα ἐτῶν γένηται. Ὁ δέ Ὑποδιάκονος (λέγει ὁ παρών Κανών) ἂς μή χειροτονῆται ὀλιγώτερον ἀπό τούς εἴκοσι χρόνους τῆς ἡλικίας του. Ὅποιος δέ ἐκ τῶν τεσσάρων αὐτῶν τάξεων χειροτονηθῇ ἔξω ἀπό τούς ῥηθέντας χρόνους, ἂς καθῄρεται.
