Ὑποδιάκονος, ἤ ἀναγνώστης, ἤ ψάλτης, τά ὅμοια ποιῶν, ἤ παυσάσθω, ἤ ἀφοριζέσθω· ὡσαύτως καί λαϊκός.
Τούς ἐπισκόπους, καί τούς τοῦ κλήρου πάντας, παράκλησιν ἅπασι πρός ἀρετήν εἶναι χρή, καί ἀρχέτυπον, καί παροξυσμόν πρός ἀγαθοεργίαν. Ἐπεί δέ καί τούτων τινάς εἰκός ἐστιν ἐκτρέπεσθαι τοῦ καλοῦ, καί ἤ κυβεύειν, ἤ μεθύσκεσθαι, διατάττεται ὁ κανών, ἤ παύεσθαι τούς τοιούτους, ἤ τούς μέν ἐπισκόπους, καί πρεσβυτέρους, καί διακόνους καθαιρεῖσθαι, τούς δέ γε ὑποδιακόνους, καί ἀναγνώστας, καί ψάλτας, εἰ μή παύοιντο, ἀφορίζεσθαι. Ἀλλά μήν καί τούς λαϊκούς κύβοις, καί μέθαις σχολάζοντας∙ μή πίνειν γάρ οἶνον εἰς μέθην, φησίν ἡ γραφή∙ καί πάλιν, μή μεθύσκεσθε οἴνῳ, ἐν ᾧ ἐστιν ἀσωτίᾳ. Ἀλλ’ οὐδέ καπηλικοῦ προΐστασθαι ἐργαστηρίου κληρικός συγχωρεῖται, κατά τόν ἔννατον τῆς ἐν τῷ Τρούλλῳ συνόδου. Ἄλλως κολάζονται οἱ ἐπίσκοποι, οἱ πρεσβύτεροι, καί οἱ διάκονοι, κύβοις καί μέθαις σχολάζοντες, καί ἄλλως οἱ ὑποδιάκονοι, οἱ ψάλται, οἱ ἀναγνῶσται, καί οἱ λαϊκοί. Τούς μέν γάρ, καθαιρεῖσθαι φάσιν οἱ παρόντες δύο κανόνες, εἰ μή παύσονται∙ τούς δέ, ἀφορίζεσθαι. Ζήτει καί τόν θ΄ κανόνα τῆς ἐν τῷ Τρούλλῳ συνόδου, καί τίτλον θ΄ τοῦ παρόντος συντάγματος, κεφ. κζ΄ καί λε΄ καί τίτ. ιγ΄, κεφ. κθ΄. Κανών μβ΄. Ὁ κυβιστής καί πάροινος ἱερεύς, εἰ μή παύοιτο, καθαιρείσθω. Εἰ πρεσβύτερος, ἤ διάκονος, κυβεύων, ἤ μεθύων, εἰ μή παύοιτο, καθαιρεῖται, πολλῷ πλέον οἱ τῆς μείζονος ἀξίας ἱερατικῆς τετυχηκότες καθαιρεθήσονται, κυβεύοντες, ἤ μεθύοντες. Κανών μγ΄. Κληρικός καί λαϊκός, τά ὅμοια πράττων, ἀφοριζέσθω. Καί οὗτος ὁ Κανὼν διατάσσεται, ὅτι, ὅποιος Ὑποδιάκονος ἤ Ἀναγνώστης ἤ Ψάλτης κάμνει τά ὅμοια, ὁποῦ ἐμποδίζει ὁ ἀνωτέρω μβ΄ Κανών, ἤτοι παίζει ἀζάρια, ἤ χαρτία, ἤ ἄλλα παιγνήδια, καί καταγίνεται εἰς μέθας, καί φαγοπότια, ἤ νά παύῃ ἀπό τά τοιαῦτα ἄσεμνα ἔργα∙ ἤ μή παύων νά ἀφορίζηται. Ὁμοίως καί οἱ λαϊκοί ὁποῦ εἰς αὐτά τά ἴδια καταγίνονται, ἤ νά παύουν ἀπό αὐτά, ἤ νά ἀφορίζωνται ἀπό τήν σύναξιν τῶν πιστῶν. Ὅρα καί τόν προλαβόντα μβ΄ Κανόνα.
