Ὁ αὐτός τύπος καί περί τῶν τάς νύμφας ἑαυτῶν λαμβανόντων.
Ὁ ἀδελφῇ συμφθερείς ἑαυτοῦ, κᾂν μή ἐξ ἀμφοτέρων τῶν γονέων ἡ ἀδελφότης ἐστίν, ἀλλ᾽ ἐξ ἑνός, πάντῃ ἐξωθεῖται τῆς ἐκκλησίας, ἕως τῆς τοιαύτης ἁμαρτίας ἀπόσχηται∙ ἀποσχὁμενος δέ οἰκονομεῖται ὡς ὁ κανών διατάττεται, προσκλαίων, ἀκροώμενος, ὑποπίπτων, συνεστώς∙ καί οὕτως ἀξιοῦται τῆς τοῦ ἀγαθοῦ κοινωνίας. Οἱ παρόντες δύο κανόνες διατάττονται, ὅπως ἐπιτιμᾶται ὁ συμφθειρόμενος ἀδελφῇ ἰδίᾳ, κᾂν μή ἐξ ἀμφοτέρων τῶν γονέων συνάπτηται αὐτῇ, ἀλλ᾽ ἐξ ἑνός, (ἥτις λέγεται καί ἑτεροθαλής) καί ὅπως ἐπιτιμᾶται ὁ μιανθείς μετά τῆς νύμφης αὐτοῦ∙ καί φασί τούτους ἐξωθεῖσθαι μέν ἀπό τῆς ἐκκλησίας μέχρις ἂν τῆς ἁμαρτίας ἀπόσχωνται∙ μετά δέ τό ἀποστῆναι, οἰκονομεῖσθαι εἰς τούς τέσσαρας τόπους τῶν ἐπιτιμίων, καί οὕτως ἀξιοῦσθαι τῆς ἁγίας μεταλήψεως∙ οἱ δέ τέσσαρες τόποι ἀνύονται διά χρόνων δώδεκα. Ἀνάγνωθι καί τό β΄ κεφ, τοῦ ιγ΄. τίτλου τοῦ παρόντος συντάγματος∙ καί σημείωσαι ὅτι τοῖς ἀφισταμένοις οὐχί τοῖς ἔτι ἐμμένουσι τῇ ἁμαρτίᾳ δίδονται τά ἐπιτίμια∙ τούτοις γάρ ἀκοινώνητα παντελῶς εἰσι τά τῶν πιστῶν. Κανὼν οε΄. Ὁ ἀδελφῇ πατρόθεν ἤ μητρόθεν συμμιανθείς, μή εἰσίτω εἰς οἶκον προσευχῆς ἕως ἀποστῇ∙ εἶτ᾽ ἀνανήψας, τριετίαν προσκλαιέτω, τριετίαν ἀκροάσθω, τριετίαν ὑποπιπτέτω, καί τῷ δεκάτῳ δεχέσθω, χωρίς προσφορᾶς, καί δύο ἔτη συστάς εἰς εὐχήν, λοιπόν ἀξιούσθω τῆς κοινωνίας. Οὗτος ὁ κανὼν συνηρμηνεύθη τῷ ἐξηκοστῷ ἑβδόμῳ κανόνι. Κανὼν οστ΄. Τά αὐτά καί περί τῶν τάς νύμφας λαμβανόντων. Σαφής. Παρομοίως μέ τόν σμίξαντα μέ τήν ἑτεροθαλῆ του ἀδελφήν ὁ παρών κανών κανονίζει, τόν λαβόντα εἰς γυναῖκα τήν νύμφην του, ἤτοι ἕνδεκα χρόνους, καί μέ τήν αὐτήν οἰκονομίαν τῶν χρόνων, πρότερον δηλαδή χωριζομένου τοῦ ἀθεμίτου γάμου. Ὁ δέ Νηστευτής ἐν τῷ ιε΄ αὐτοῦ κανόνι, δύω χρόνους τόν τοιοῦτον κανονίζει μετά ξηροφαγίας, καί μετανοιῶν.
