Ὁ μάντεσιν ἑαυτόν ἐπιδούς ἤ τισι τοιούτοις, τόν χρόνον τῶν φονέων καί ἐπιτιμηθήσεται.
Μαντεῖαι μέν πάλαι ἦσαν, αἱ παρά τῶν ψευδωνύμων θεῶν γινόμεναι προῤῥήσεις, ἤ πρός τάς ἐρωτήσεις ἀποκρίσεις. Εἰ δέ καί τά χρηστήρια ἐκλελοίπασι μετά τήν σάρκωσιν τοῦ Κυρίου, ἀλλά καί νῦν γίνονται παρά τινων δι’ ἐπῳδῶν καί ἐνεργείας δαιμονικῆς προῤῥήσεις, εἰ καί ψευδεῖς αἱ πλείους ἐλέγχονται∙ οἷαί εἰσι καί αἱ παρά γυναικῶν τινων γινόμεναι, αἱ κριθάς ἐν χερσί τιθεῖσαι, δι᾽ ἐκείνων προλέγουσι τινα∙ ἄλλαι δέ σποδιᾷ ἐπικύπτουσαι, προμηνύουσί τινα μέλλοντα∙ συναριθμείσθωσαν τούτοις καί οἱ ἐκ τῶν ἀστέρων προγινώσκειν λέγοντες τά ἐσόμενα, καί οἱ τούτοις χρώμενοι, οὕς πάντας τῷ ἐπιτιμίῳ τῶν φονέων καθυπάγει. Ἐν τῷ κε΄ κεφ., τοῦ θ΄ τίτλου τοῦ παρόντος συντάγματος, καί τῷ κ΄ κεφ., τοῦ ιγ΄ τίτλου, διάφορα ἐγράψαμεν περί μάντεων, μάγων, καί τῶν ὁμοίων, καί ἀνάγνωθι ταῦτά τε, καί τούς ἐν τοῖς αὐτοῖς κεφ. δηλουμένους κανόνας τε καί νόμους, καί μάθῃς ὅπως οὗτοι κολάζονται πολιτικῶς τε καί ἐκκλησιαστικῶς. Ἀρτίως δέ ὁ ἅγιος διορίζεται τούς ἀνατιθεμένους ἑαυτούς τοιούτοις τισί, κατά τούς χρόνους τῶν φονέων ἐπιτιμᾶσθαι. Ἐπεί δέ τινες ἑρμηνεύοντες τόν παρόντα κανόνα εἶπον ὀφείλειν οὕτως ἐπιτιμᾶσθαι καί τούς προσερχομένους γυναιξί μετά κριθῶν ἐπαγγελλομέναις ἀνακαλύπτειν ἄδηλά τινα, ἤ καί μέλλοντα, λέγω ὅτι διαφορά ἐστι μάντεων καί γητευτριῶν γραῶν, διά ἐπᾳσμάτων τούς ἁπλουστέρους ἀπατωσῶν∙ οἱ μέν γάρ δαίμονας ἐπικαλοῦνται∙ αἱ δέ μᾶλλον ἀρετήν καί ἁγιασμόν ὑποκρινόμεναι, μετά θείων ψαλτῳδημάτων ἐνίοτε χειρογραφοῦσι τά μέλλοντα, καί κριθοφοροῦσι τά ἄδηλα, καθά ποιοῦσι καί αἱ λεγόμεναι κρίτριαι, καί οἱ σακκενδυτοῦντες, καί οἱ ῤακενδυτοῦντες ἠϋγένειοι, καί ἠΰκομοι μοναχοί∙ καί οὗτοι γάρ πλανῶντές τε καί πλανώμενοι, τά μέλλοντα προφοιβάζουσιν ὡς ἐξ ὑποφητείας ἀγγελικῆς. Διά τοι τοῦτο ὀφείλουσιν οἱ μη ἀρνησάμενοι τόν Θεόν, ἀλλά διά λειξουρίαν ἁγιωσύνην ὑποκρινόμενοι, ὡς ἐμοί δοκεῖ, μετριωτέρως καί μή κατά τούς ἀρνησιθέους κολάζεσθαι. Εἰ δέ εἴπῃς τά κριθοφόρα καί γητευτοτόκα γραΐδια δαίμονας ἐπικαλεῖσθαι, ἐξ ἀνάγκης καί αὗται κατά τούς μάντεις καί μάγους ἐσχάτως ἐπιτιμηθήσονται. Ἀνάγνωθι καί τόν πγ΄ κανόνα, τοῦ παρόντος ἁγίου, καί τά ἐν αὐτῷ. Ὁ μάντεσιν, ἤ τοιούτοις τισίν ἑαυτόν δούς, τόν χρόνον τῶν φονέων οἰκονομηθήσεται. Ὁ μέν ἑαυτόν ἐπιδούς μάντεσιν, ἤ γόησιν, ἤ φαρμακοῖς, ἑπί τῷ μαθεῖν τήν κακοτεχνίαν αὐτῶν, ὡς ὁ ἑκουσίως φονεύων ἐπιτιμηθήσεται. Ὁ δέ πιστεύων μάντεσιν, εἰσάγων αὐτούς εἰς τόν οἶκον ἑαυτοῦ ἐπί ἀνευρέσει καί καθάρσει φαρμακειῶν, ἤ ἀποκαλύψει τινῶν ἀποῤῥήτων, ἑξαετίαν ἐπιτιμᾶται, ὡς ὁ ξα΄ κανὼν τῆς ἐν τῷ Τρούλλῳ ἕκτης συνόδου διαλαμβάνει καί ὁ ὀγδοηκοστός τρίτος τῆς ἀνά χεῖρας ταύτης τρίτης ἐπιστολῆς τοῦ μεγάλου Βασιλείου. Ὁ παρών κανών κανονίζει ὡς τούς ἑκουσίως φονεύσαντας, ἤτοι εἴκοσι χρόνους, κατά τόν ἀνώνυμον ἑρμηνευτήν, ἐκείνους ὁποῦ δώσουν ὅλως διόλου τόν ἑαυτόν τους εἰς τούς μάντεις, καί τούς τοιούτους γόητας ἀνθρώπους. Ὅρα καί τόν ξα΄ τῆς στ΄.
